Home / News / سید ھاشمی ریفرنس کتابجاہ ءِ زانشی بورڈ جوڑ کنگ ءِ جار

سید ھاشمی ریفرنس کتابجاہ ءِ زانشی بورڈ جوڑ کنگ ءِ جار

سید ھاشمی ریفرینس کتابجاہ ءِ یک نیادے ماں کتابجاہ ماڑی دہکان گارڈن ملیر برجم دارگ بیتگ۔ اے نیاد ءَ گوستگیں روچاں برجم داشتگیں سوگندی دیوان ءِ سرا چمشانک دئیگ بیتگ۔ اے دیوان ءَ زانشی کمیٹی بورڈ ءِ تہ ءَ بدل کنگ بیتگ ءُ اے درگت ءَ یک شش (6) نَپری کمیٹیے کتابجاہ ءِ کارمستر واجہ غلام رسول بلوچ ءِ مستری ءَ جوڑ دئیگ بیتگ کہ کمیٹی بورڈ ءِ مول مراد، تک ءُ پہنات، ءُ راہبند ءَ جوڑ کنت۔ نیاد ءِ تہ ءَ کابینہ ءِ دو باسک ظریف بلوچ ءُ چندن ساچ چہ سوگند زیرگ بیتگ۔ اے نیاد ءِ تہ ءَ بشیر بلوچ کتابجاہ ءِ ھمتنگدار (کوارڈینٹر) نامینگ بیتگ کہ آ گوں دگہ اداراہاں ھمتگی ءَ برجا دارگ ءَ کار کنت۔