You are currently viewing سید ھاشمی ریفرنس کتابجاہ ءِ ھپتمی لس مجلس  ءُ نوکیں کابینہ ءُ سلاہ کار کمیٹی گچین کاری

سید ھاشمی ریفرنس کتابجاہ ءِ ھپتمی لس مجلس ءُ نوکیں کابینہ ءُ سلاہ کار کمیٹی گچین کاری

  • Post category:News

سید ھاشمی ریفرنس کتابجاہ ءِ ھپتمی لس مجلس  ءُ نوکیں کابینہ ءُ سلاہ کار کمیٹی گچین کاری

ملیر کراچی۔ سید ھاشمی ریفرنس کتابجاہ ءِ ھپتمی لس مجلس دیوان ماں کتابجاہ ماڑی ۸ جنوری ۲۰۱۷ ءَ دارگ بیت۔ لس مجلس دیوان ءِ بندات ءَ ھسابدار ءَ وتی نگدال سال ۲۰۱۶ ءِ ھساب یک پہ یک ءَ ونت ءُ باسک سئیگ کُت انت کہ کتابجاہ ءِ مالی جیڑہ چون انت ءُ چوں کتابجاہ ھرچ چہ رستیں درچ ءَ گیشتر انت ءُ اگاں باسکی بِجّاری جمّ کنگ بہ بیت گڑا الم کتابجاہ ءِ مالی جیڑی گیش انت۔ لس مجلس دیوان ءَ ھسابدار ءِ اہوال ءِ سرا وتی جست کُت انت ءُ سوج ءُ سلاہ دات۔ ھسابدار ءِ اہوال ءَ پد لس مجلس ءِ تہ ءَ گوستگیں ۲۰۱۵/۲۰۱۶ کابینہ ءِ ۲ سال ءِ کارگشاد ءِ نگدال واجہ غلام رسول بلوچ ءَ پیش کت ءُ  واجہ ءَ کتابجاہ ءِ آیوکیں وہد ءِ پیش بندی ءُ آیوکیں جیڑہانی سرا گپ جَت ءُ کتابجاہ ءِ باسک سئیگ کُت انت ءُ باسکانی جُستانی پَسّو دات۔ لس مجلس دیوان ءَ گچینکاری کمیٹی ءَ سرا تپاک کُت کہ گچینکاری کمیٹی ءِ سروک پروفیسر رحیم مہر ءُ باسک واجہ اسحاق خاموش ءُ بشیر واحد بلوچ مَنّگ بیت انت۔  کتابجاہ ءِ کابینہ ءِ گوستگیں سروک ڈاکٹر پروفیسر رمضان بامری ءَ وتی گُٹ تران کُت ءُ باسکانی منت گپت انت۔

  استاد صبا دشتیاری ءِ مہرانی بنجل اِے سفر ءِ دیما برگءِ واستا  کارستانی نوک گچین کنگ ءِ واستا ہر دو سال ءِ سرا سید ہاشمی ریفرنس کتاب جاہ ءَ گچین کاری بنت۔ اے سال بزانکہ 2017 ءَ ہم 8 جنوری ءَ بیگاہ ءِ ساعت ءَ کتاب جاہ ءَ گچین کاری بوت اَنت کہ گچین کاری ءَ دائمی وڑا کتاب جاہ ءِ بازیں باسکاں بہر زرت۔  گچین کاری ءِ اگدھ پروفیسر رحیم مہر، اسحاق خاموش ءُ بشیر بلوچ ءَ وتی کوپگاں زرتگ ات۔ اِے سال ءَ گچین کاری ءَ واجہ غلام رسول بلوچ کارمستر، ڈاکٹر رمضان بامری نائب کارمستر اولی، بانک مریم بلوچ نائب کارمستر دومی، خالد بلوچ کارگشاد، جمال ناصر نائب کارگشاد، سلمان بلوچ ھسابدار، سجاد بلوچ رابطہ کار، چندن ساچ جار کش، ظریف محمود کارگس کاردار، انتظام کار کمیٹی ءَ بانک شریفہ شمبے، شرف شاد، حسن علی حسن، عبدالرؤف بلوچ، عمران ایڈوکیٹ ءُ حامد بلوچ سوب مند بوت اَنت۔ زانگ بہ بیت کہ انتظام کار کمیٹی ءِ واستا بازیں مردماں پہ گچین کاری ءَ کاگد جم دات اَنت بلے گچین کاری ءَ شش مردم دیما اتک۔

1 3 7