You are currently viewing تاکءَُ تاکبندانی موادانی رہبند

تاکءَُ تاکبندانی موادانی رہبند

  • Post category:News

سید ھاشمی ریفرنس کتابجاہ ءِ بُن ھشت ایر کنگءِ مول ءَُ مراد ایش انت کہ بلوچ ، بلوچستان ءَُ بلوچی زبانءِ سرءَ گارءَُ بیگواہ، شنگ ءَُ شانگیں مواداں چنگ ءَُ یکجاہ کنگ۔ اے درگتءَ کتابجاہءِ بُنپد ایر کنوک پروفیسر صبادشتیاری ءَُ دگہ سنگتاں دُورءَُ دراجیں مہیم جتگ ءَُ مواد یکجاہ کتگ انت ۔ اے موادانی توکءَ گیشتر ماہتاک ، تاکبند ءَُ دگہ مواد ھوار انت۔ بلے چریشاں گیشتر ماھتاک ءَُ تاکبند سک کوھن ءَُ ریزناک انت کہ آداں مزنیں مُدتے ءَ وتءَ برجاہ داشت نہ کن انت۔ بازیں مواد یکشل ءَ کاپیءِ سببءَ ھم نزور بوان انت۔ ایشانی پہریزگ ءَُ بنی مول ءَُ مراد ءَ دیمءَ برگ ءَُ باسکاں چہ گیشءَ گیش سیتّ دیگ ءِ ھاترءَ کتابجاہءِ لہتیں گچینی باسکاں اے موادانی برگی پہریزی (Digitization)ءِ کار کتگ۔ اے باسکاں وتی وھد داتگءَُ ایشانی سرءَ کار کتگ۔ ما آیانی وھد ءَُ جہدءَُ دگہ جاورانی چارءَُ بیچار ءَ پد جہلءِ رہبند گیشینتگ انت:
۱۔ ھما تاک یا ماھتاک کہ برگی پہریزی ءِ شکل ءَ ایر انت ، برانزین (فوٹوکاپی) کنگءِ اجازت نہ بیت۔ 
۲۔برگی پہریزکتگیں ماھتاک ءَُ تاکبندانی برگی کاپی (سوفٹ کاپی)دیگ نہ بیت۔
۳۔باسکاں برگی پہریز کتگیں ماھتاک ءَُ تاکبندانی برگی کاپی چارگ، چارگءَُ نبشتہ کنگءِ اجازت بیت۔ 
۴۔اگاں کسے ءَ پکار گڈا ایشانی پرنٹ دیگ بیت ۔ 
۵۔برگی کاپی ءِ یک پرنٹےءِ بیست کلدار ایر کنگ بوتگ۔